Mellomalder-
– Det er ikkje alle som veit at me faktisk har tre mellomalderkyrkjer i Midt-Telemark, seier Grete Hasselgård Sele, dagleg leiar i KIRKUS. Dei tre kulturskattane er Bø gamle kyrkje, Nes kyrkje og Sauherad kyrkje.
No blir dei løfta fram i ei unik konsertrekke i samarbeid mellom KIRKUS og Midt-Telemark kyrkjelege fellesråd, støtta av Kirkebevaringsfondet.
Fyrst ut er Bø gamle kyrkje torsdag 13. november, der Schola Cantorum
Nesensis under leiing av Henrik Ødegaard framfører gregoriansk tidebøn i levande lys – slik det kunne ha vore opplevd på 1300-talet.
Søndag 30. november blir det orgelkonsert i Sauherad kyrkje, Her deltek organistane Bruno Hageman, Øyvind Sundsvalen og Kåre Nordstoga, samt elevar frå orgelskulen i Bø kyrkje. Angelika Faber Karsrud er med på på bratsj og Lise Mette Møllerbråten på song.
Til slutt inviterer Nes kyrkje søndag 7. desember til gitarkonsert med Ole Martin Huser-Olsen, som held plateslepp for albumet Ikoner i musikk, med både mellomaldertonar og klassisk Bach.
Konsertane er del av eit formidlingsprosjekt som skal løfte fram kyrkjene si historie fram mot 1000-årsjubileet i 2030.
